Cheap

我真係點搞都搞唔明白 點解人類係咁cheap嘅 其實呢個世界嘅價值 完全係為咗利益 就係咁簡單 唔好講仁義道德 金科玉律聖言之書 全部都係牟利嘅工具 如果有啲人話俾你聽 佢係好善心㗎 咁你就可以肯定 最邪惡嗰個就係佢 試問一個男人 會唔會四周圍話畀人聽佢係一個男人呢 只有騙子 會四周圍話畀人聽佢係老實嘅 阿爸阿媽教落 調轉嚟聽調轉嚟睇 咁就係個真相呀 點解梁振英時代 搞到要暴動呀 因為明明 社會不和唔緊要 市民都冇乜怨言 但係佢夾硬話 個個市民都係特首 個個市民都有得揀 呢下嘢就好多人好唔老嚟啦 明明畀你鬱 chok住道氣 逆來順受都唔緊要 你唔好抹大眼講大話嗎 苦已經受咗 但係你話我享樂喎 我咪同你死過囉 說話唔好倒轉嚟講 天知地知你知我知 大家都知 一個地方有冇自由 唔係靠把口講呀 唔係靠洗腦呀 喺大家心裏面公認嘅 市民受緊苦 唔使你道歉呀 你都唔好講反話 你當自己 抑或當市民係白痴啦 有好多問題好易解決㗎咋 但係如果最明顯嗰條路封咗 要迫啲市民行為啲旁門左道 呢個就係啲官員嘅責任 我覺得啲法例 應該行咗先 慢慢修改 事先諮詢係多餘呀 因為收埋嚟諮詢 根本冇人知道就已經過期啦 等於冇諮詢過 推出咗啲例慢慢修改 大家都意識到 新例嘅重要性 公道自在人心 特別喺香港 愚民政策行唔通呀 祖國成日話俾人知 祖國幾咁自由 福利幾咁好 我識得好多達官貴人 攬埋啲錢 飛走咗 事實勝於雄辯 每處地方 達官貴人知道嘢最多 主席個女係美國人 不過美國就唔係好安全 有好多暴力事件槍擊案 世上無樂土 香港算幾好 如果你問我 春秋祭掃墓 祖先保佑到