Donate

破財消災 相信很多有錢人 也有破財消災這觀念 在此簡單講解一下 有錢人之所以有錢 之所以可以聚財 因為佢哋慳貪 手指罅都唔開畀人 最收尾 慳出個禍呢 就迷信破財消災 四周圍捐錢 我想講出 好簡單嘅道理 富翁每個崩都算算度度 必然令其家人 及主僕上下 不安不和 不順 處處積聚怨氣 其實只要 凡事留啲Margin位 有啲走火位 嘗試下額外畀貼士 唔使下下開支票 萬萬聲咁捐 覺得邊個服務員 態度好 或者唔好 每次消費 選擇一個服務員 塞廿蚊入佢袋 佢態度好嘅當獎勵 佢態度衰嘅 當冼佢一鑊 其實點解話 破財消災呢 其實需要破財消災嘅人 都係處處計到盡 人自然唔開心 家宅自然不和 叫你破財消災 唔係叫你亂咁捐錢 而係叫你 學懂與他人分享你嘅福氣 現今嘅世代 好多慈善機構係搵笨嘅 其實我哋只需要 對服務我哋嘅人 或者對我哋嘅家人 唔好咁苛刻 時常獎勵鼓勵 大家寬容 大家開心 至於捐錢去慈善機構 我就話畀你聽冇必要 因為你要學懂嘅 就係與你身邊嘅人 分享你嘅福報 唔需要一定 捐錢去非洲 香港有大把窮人 甚至你可能唔知 你屋企人 可能都有幾位 心窮到冇朋友 如果我哋可以 照顧好我哋嘅家庭 呢個世界已經冇問題 其實香港人嘅心靈 係世界上最窮 顧掂你自己個家 呢個世界笑哈哈